Taldyqorǵandaǵy perınataldyq ortalyqqa 27 mln teńgeniń apparaty syıǵa berildi
Ókpeni jasandy tynys aldyratyn qural perınataldyq ortalyqtyń tapsyrysy boıynsha satyp alynǵan. Sebebi oblysta shala týǵan sábılerdiń sany artýda. Olar úshin bul apparattyń mańyzy zor eken. Máselen byltyrdyń ózinde oblystyq perınataldyq ortalyqta 350 shala týǵan sábı dúnıege kelgen. Al 2016 jyly olardyń sany 300-ge jetipti. Jańa jyldan beri 4 sábı ýaqytynan buryn dúnıege kelgen. Olardyń salmaǵy 700-900 gramm.
«Bolat Ótemuratovtyń qory syıǵa bergen apparat bizdiń ortalyq úshin asa qajet. Bizde mundaı qondyrǵy buǵan deıin de boldy. Biraq qordyń bergen apparaty sońǵy úlgide. Ózdiginen demala almaıtyn shaqalaqtardyń ókpesi osy apparat arqyly jumys isteıdi jáne qondyrǵy barlyq qajetti temperatýrany avtomatty túrde tańdaıdy», - deıdi oblystyq perınataldyq ortalyqtyń dırektory Qanat Jumashev.
Aıta ketý kerek, Bolat Ótemuratovtyń qory jylda qaıyrymdylyq jasaýmen aınalysýda. Olar qaltaly azamattar men bedeldi kompanııanyń ókilderi arasynda túrli sharalar uıymdastyryp, sol jerden jınalǵan qarajatqa medıtsınalyq mekemelerdi qajetti jabdyqtarmen qamtýda. Budan buryn Oral jáne Aqtóbeniń medıtsınalyq mekemelerine qajetti qondyrǵylaryn satyp alyp bergen. Jáne mundaı ıgi iske kez kelgen adamnyń qatysýǵa múmkindigi bar ekenin aıtady.
