Taldyqorǵandaǵy óndiristik nysanda órt shyqty
TALDYQORǴAN. QazAqparat - Taldyqorǵandaǵy óndiristik nysan aýmaǵynda mazýt quıylǵan ydys órtendi, dep habarlaıdy QazAqparat tilshisi.
Tótenshe jaǵdaı Almaty oblystyq TJD kezekshi bólimine 14 sáýir 15.40-ta tirkeldi.
Taldyqorǵanda avtomobıl dóńgelekterin óńdeıtin kásiporyn aýmaǵyna birinshi jetken órt sóndirýshiler kólemi 3 tekshe metr rezervýardyń órtenip jatqanyn anyqtaǵan. Tergeý barysynda ydysta 0,2 tekshe metr mazýt qalǵany belgili boldy.
Almaty oblysy órt sóndirýshileriniń jedel áreketiniń arqasynda tilsiz jaýdyń basqa da nysandar men ǵımarattarǵa kóshýine jol berilmedi. Órt 16.02 mınýtta tolyq sóndirildi.
Oblystyq TJD baspasóz qyzmetiniń málimetinshe, jalynmen kúresýge jeke quramnan 30 adam men 10 tehnıka jumyldyrylǵan.
Al jalynnyń tutanýyna jumysshylardyń órt qaýipsizdigin saqtamaýy sebep bolǵan.
