Taldyqorǵandaǵy bı festıvali: 10 elden 300-ge jýyq bıshi qatysýda
TALDYQORǴAN. QazAqparat - Taldyqorǵanda Jastar jyly aıasynda «JETYSU INTERNATIONAL BATTLE» bı festıvali bastaldy. Sharaǵa álemniń 10 elinen 300-ge jýyq bıshi qatysýda, dep habarlaıdy QazAqparat tilshisi.
El aýmaǵynda alǵash ótip jatqan aýqymdy jobaǵa tanymal, álemdik deńgeıdegi mamandar tórelik etedi. Olar: Italııadan kelgen Panzera Simone, Frantsııadan kelgen Kanon Akessa Raul-Xavier jáne ýkraınalyq Bboy Stany The Real syndy kásibı bıshiler. Almaty oblystyq jastar saıasaty máseleleri basqarmasy uıymdastyrǵan bı saltanatyna qatysýshylar Hip Hop Beg, Hip Hop Pro, Hip Hop 3h3, Poping, Breaking 3h3, Freestyle 2h2, Best Show baǵytynda ózara baq synaıdy. Jeńimpazdar Frantsııada ótetin «FUSION CONCEPT» álem chempıonatyna joldama alady.
Sondaı-aq, festıval barysynda sheteldik bıshilerdiń tegin sheberlik sabaǵy bolady.
«Sharanyń maqsaty jastardyń boıyna mádenı qundylyqtardy darytý, zamanaýı ónerge degen qulshynysyn damytý jáne belsendi jastardyń basyn qosý»,- deıdi basqarma basshysy Jomart Qaratas.
