Taldyqorǵandaǵy «Aınalaıyn» balalar úıi Astana kúnin atap ótti

TALDYQORǴAN. QazAqparat - «Aınalaıyn» balalar úıiniń tárbıelenýshileri Astana kúnin jazǵy lagerde atap ótti, dep habarlaıdy QazAqparat tilshisi. 

Almaty oblystyq jastar saıasaty máseleleri basqarmasy men «Jasyl el» shtaby balalarǵa erekshe tartý jasady. Olar qaıyrymdylyq kontsert uıymdastyryp, shańyraqtaǵy ár balanyń kóńilin aýlaýǵa tyrysty. Jáýdir kóz balapandardy quttyqtaǵan «Jasyl el» shtabynyń jetekshisi Tımýr Nuǵmanov merekeniń mańyzdylyǵyn atap ótip, «aınalaıyndyqtardyń» armandarynyń oryndalýyn tiledi.

Al merekelik shara barysynda árbir qatysýshy ózin juldyz sezinýge múmkindik aldy. Tamasha qoıylymdar, soǵylǵan shapalaqtar osynyń dáleli. Kontserttiń basty ereksheligi de sol. Ony uıymdastyrǵan balalar.  Ásirese «Ulan»  toby oryndaǵan «Sen úshin, Astana» áni merekeniń mán-maǵynasyn keltirdi. Merekelik sharalar balalar arasyndaǵy voleıbol men shaǵyn-fýtbol jarystaryna ulasty.