Taldyqorǵandaǵy áskerı qyzmetshiniń ólimi: Tergeý júrip jatyr
TALDYQORǴAN. QazAqparat –Taldyqorǵandaǵy 36 jastaǵy áskerı qyzmetshiniń ólimi tergelip jatyr, dep habarlaıdy «QazAqparat» HAA tilshisi.
«Atalǵan fakti sotqa deıingi tergep-tekserýlerdiń biryńǵaı tiziliminde Qazaqstan Respýblıkasynyń Qylmystyq kodeksiniń 99-baby «Adam óltirý» baby boıynsha tirkelgen. Tájirıbeli polıtsııa qyzmetkerlerinen qurylǵan jedel-tergeý toby bul qylmysty ashý úshin sharalar qabyldaýda», - dedi Almaty oblysynyń polıtsııasy.
Sondaı-aq, tergeý Іshki ister mınıstrliginiń baqylaýyna alynǵan.
Eske salsaq, buǵan deıin Taldyqorǵan qalasyndaǵy shaǵyn aýdandardyń birinen áskerı qyzmetshiniń máıiti tabylǵanyn habarlaǵan bolatynbyz. Oqıǵaǵa qatysty QR Qorǵanys mınıstriligi Aqparat jáne kommýnıkatsııa departamentiniń basshysy Danııar Áljanov QazAqparat tilshisine túsinik berdi.
