Taldyqorǵandaǵy áskerı bólimniń birneshe laýazymdy tulǵasy para aldy degen kúdikke ilindi
Laýazymdy tulǵalar Taldyqorǵan garnızonynyń áskerı bóliminde tamaqtaný qyzmetin kórsetý boıynsha kásipkerlik qyzmetti júzege asyrý kezinde qamqorlyq jasaý úshin para aldy dep kúdiktenedi.
«Almaty oblysy boıynsha Sybaılas jemqorlyqqa qarsy qyzmeti Ulttyq qaýipsizdik organdarymen birlese otyryp «Taldyqorǵan garnızony №18404 Áskerı bólimi» RMM-niń komandırine, áskerı bóliminiń tyl orynbasaryna jáne tamaqtaný qyzmetiniń bastyǵyna qatysty sybaılas jemqorlyq qylmysyn jasady degen kúdik boıynsha sotqa deıingi tergep-tekserýdi bastady.
Laýazymdy tulǵalar kelý týraly mindetteme alýyna baılanysty protsestik ustaý sharasy qoldanylǵan joq. Sotqa deıingi tergep-tekserý nátıjeleri boıynsha túpkilikti protsestik sheshimi qabyldanatyn bolady«, - delingen Almaty oblysy boıynsha Sybaılas jemqorlyqqa qarsy qyzmettiń taratqan habarlamada.