Taldyqorǵandaǵy akkýmýlıator zaýyty rekordtyq ónim shyǵardy

TALDYQORǴAN. QazAqparat - «Qaınar-AKB» zaýyty jyl basynan 1 mln 700 myń akkýmýlıator batareıalaryn óndirip, halyqqa usyndy, dep habarlaıdy «Qazaqparat» tilshisi.

Kásiporynnyń mundaı kólemge jetýiniń basty sebebi zaýyt ónimine basqa memleketterden suranys artqan. Búginde kásiporyn shyǵarǵan akkýmýlıatorlardyń 70 paıyzy eksportqa shyǵarylýda.

Qyrkúıek aıynan bastap zaýyt Qytaı Halyq Respýblıkasynyń naryǵyna shyqty. Bıyl sondaı-aq óndiris orny eýropalyq naryqta batareıa satýǵa Polshamen kelisimge qol qoıdy. Al 2017 jyly kásiporyn Germanııada óz ókildigin ashýdy josparlap otyr. 

Astana qalasynda 6 jeltoqsanda ótken ındýstrııalandyrý kúninde «Qaınar-AKB» JShS «Uly dala eli»  brendimen marapattaldy. Bul brend Qazaqstandaǵy eń úzdik eksporttaýshy kompanııalarǵa beriledi. Aldaǵy ýaqytta otandyq taýar óndirýshiler «Uly dala eli» ataýymen birigip, álem naryǵynda óz qoltańbasyn qaldyryp otyrady.

Keler jyly zaýyt óndiris kólemin 2 mln danaǵa jetkizýdi kózdeýde.