Taldyqorǵanda zııaly qaýym ókilderi Іlııastyń eskertkishine gúl shoqtaryn qoıdy

TALDYQORǴAN.QazAqparat - Búgin Taldyqorǵanda óńir basshylary men zııaly qaýym ókilderi saıası qýǵyn-súrgin qurbandaryn eske alyp, Іlııas Jansúgirov eskertkishine gúl shoqtaryn qoıdy. Eske alý jıynyna aqynnyń nemere qaryndasy Nurpan Jansúgirova da kelip, este qalǵan sátterimen bólisti, - dep habarlaıdy QazAqparat tilshisi.

«Ákem jalqaý bolatyn. Іlııas Jansúgirov sen jalqaýlyqqa boı aldyrma dep ákemdi úsh klass bilim alýǵa septigin tıgizdi. Keıin shopyrdyń oqýyn oqytty. Ol kezde eń tez meńgeretin mamandyq júrgizýshi bolatyn. Sodan ákem 60 jyl kólik júrgizdi. Qandaı jaqsy, qandaı bilimdi, qandaı aqyldy adamdardyń bári Іlııas atamyz sııaqty ketti ǵoı. Іlııaspen Sáken Seıfýllın, Beıimbet Maılın birge júrgen. Úsheýi joldas bolǵan eken»,- dedi Іlııas Jansúgirovtiń nemere qaryndasy Nurpan Jansúgirova.

Alash arysy, sýretker aqyn І. Jansúgirov 1937 jyly tutqyndalyp, jarty jyl abaqtyda azaptaldy. Al aqpanda oqqa ushty. Ǵalymdardyń aıtýynsha Іlııas Jansúgirovtyń naqty qaı jerde jerlengeni áli belgisiz. Al Jańalyq aýylynyń mańynda jatyr degen tek boljam ǵana. Іlııas tanýshylar qalamgerdiń shyǵarmashylyǵy men ómiri áli de tereń zertteýdi qajet etedi degen pikirde. Jalpy, Almaty oblysynda 8 myńnan astam adam jazyqsyzdan jazyqsyz atylyp ketti.

19:06