Taldyqorǵanda jyl basynan beri 1684 alaıaqtyq deregi tirkeldi
TALDYQORǴAN. QazAqparat - Taldyqorǵan qalasy boıynsha jyl basynan beri 1684 alaıaqtyq deregi tirkelgen. Bul ótken jylmen salystyrǵanda eki esege az, -dep habarlaıdy QazAqparat tilshisi.
Osyǵan baılanysty Taldyqorǵan qalysynyń polıtsııa qyzmetkerleri halyqty qyraǵy bolýǵa jáne alaıaqtardyń aıla-amaldarynan saq bolýǵa shaqyrady.
«Jyl basynan beri Taldyqorǵan qalasy boıynsha 1684 alaıaqtyq áreket tirkeldi. Onyń 500-den astam deregi qylmys quramynyń bolmaýyna baılanysty toqtatyldy. Al 1040 is aıaǵyna deıin jetkizildi. Alaıaqtyqtyń 400-ge jýyq deregi aýyr jáne asa aýyr sanatyna jatady»,- dedi Taldyqorǵan qalalyq polıtsııa basqarmasynyń ókili Qaırat Baımuhanov.
«Degenmen, qala turǵyndary men qonaqtary qyraǵy bolýy qajet. Bizge sońǵy ýaqytta Instagram, OLH, Kolesa, Krysha platformalarynda jasalǵan, ózderin bank qyzmetkerleri jáne t. b. retinde tanystyrǵan alaıaqtyq áreketteri boıynsha jıi habarlasady. Alaıaqtardyń jumys shemasy ártúrli. Eger bireýi áleýmettik jelide áreket etse, endi biri jelilerde jarnama ornalastyrady. Al keıbiri aqsha kartasyn paıdalaný arqyly aram oıyn iske asyrady. Barlyqtaryńyzdan jeke derekterińizdi, sondaı-aq bank kartalarynyń derekterin beıtanys adamdarǵa habarlamaýlaryńyzdy suraımyz. SMS-habarlamadaǵy kodty bank qyzmetkerlerine de habarlamańyz jáne aıtpańyz. Ózińizdi jáne múlikińizdi alaıaqtardan qorǵańyz!»,-dep tolyqtyrdy polıtsııa podpolkovnıgi Baımuhanov.
