Taldyqorǵanda júıke aýrýyna shaldyqqan adam uıyqtap jatqan jigitke pyshaq salǵan
TALDYQORǴAN. QazAqparat - Taldyqorǵan polıtseıleri qaraqshylyq deregin izin sýytpaı ashty, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Taldyqorǵan qalasy polıtsııa basqarmasynyń kezekshi bólimine kópqabatty úıdegi páterlerdiń birine qarýly shabýyl jasalǵany týraly habarlama kelip tústi. Atalǵan derek QR QK 192-baby 3-bóligi 4-tarmaǵy boıynsha tirkeldi («Turǵyn, qyzmettik, óndiristik úı-jaıǵa ne qoımaǵa zańsyz kirýmen jasalǵan qaraqshylyq»).
Oqıǵa ornyna jetken Shyǵys QPB jedel ýákilderi jábirlenýshi men onyń ápkesi kórsetken belgilerge nazar aýdara otyryp, 3 saǵat ishinde kúdikti - oblys ortalyǵynyń 24 jastaǵy turǵynyn sol mańdaǵy aýlalardyń birinen ustady. Sotqa deıingi tergeý amaldary barysynda kúdiktiniń shızofrenııa dıagnozy boıynsha esepte turatyndyǵy anyqtaldy.
Onyń ashyq esikti paıdalanyp, ekinshi qabattaǵy páterge kirip, ústelden as úı pyshaǵyn alǵany jáne uıyqtap jatqan 24 jastaǵy turǵynǵa betine jáne basyna pyshaq jaraqatyn salǵany anyqtaldy. Kúdikti kórshi bólmedegi daýysqa júgirip shyqqan zardap shegýshiniń ápkesine tıispeıtindigin aıtyp, uıaly telefon men qýattaǵysh qurylǵyny alyp, oqıǵa ornynan boı tasalaǵan.
Zattaı dáleldemeler pyshaq, telefon, qýattaǵysh qurylǵy iske aıǵaqzat retinde qosa tirkeldi. Qoǵamǵa qaýip tóndiretin kúdiktini sot qamaýǵa alý túrindegi bultartpaý sharasyn qoldana otyryp, ony qoǵamnan oqshaýlaý týraly sheshim qabyldady.
