Taldyqorǵanda jurtty tonap kelgen úsh kelinshek ustaldy
TALDYQORǴAN.QazAqparat - Taldyqorǵanda polıtseıler qoǵamdyq kólikter men saýda oryndarynda urlyq jasady degen kúdikpen 3 jas kelinshekti ustady. Kúdiktilerdiń barlyǵy oblys ortalyǵynyń irgesinde ornalasqan Kóksý aýdanynyń turǵyndary, dep habarlaıdy QazAqparat tilshisi.
Tergeý materıaly boıynsha, ustalǵan 24 jáne 26 jastaǵy azamatshalar buǵan deıin de urlyq jasap, jaýapkershilikke tartylǵandary anyqtaldy.
«Qazir ustalǵandardyń 13 qalta urlyǵyna qatysy bar ekeni anyqtaldy. Urlyq qoǵamdyq kólikter men saýda oryndarynda bolǵan. Barlyq faktiler sońǵy bir aıdyń ishinde tirkelgen. Al jábirlenýshilerge keltirilgen shyǵyn kólemi 0,5 mıllıon teńgege jetken», - dep málimdedi Almaty oblystyq Polıtsııa departamentiniń baspasóz qyzmeti.
Sotqa deıingi tergeý barysynda kúdiktiler arnaıy qolhatpen jiberilgen. Vedomstvo ókilderi kúdiktilerdiń ózge de qylmystarǵa qatysy bar-joǵy anyqtalyp jatqanyn jetkizdi.
