Taldyqorǵanda jýrnalıst Sandýǵash Dúısenova ustaldy

TALDYQORǴAN. QazAqparat - Taldyqorǵanda belgili jýrnalıst, azamattyq belsendi Sandýǵash Dúısenova ustaldy, dep habarlaıdy QazAqparat tilshisi.

Jetisý oblystyq polıtsııa departamentiniń málimetinshe, 11 tamyzda Taldyqorǵanda jýrnalıst Sandýǵash Dúısenova QR Qylmystyq kodekstiń 147-baby 5-bóligi boıynsha ustaldy.

«Bul bapta jeke ómir týraly aqparatty, sonyń ishinde jeke nemese otbasylyq qupııany kópshilik aldynda sóıleýde, jumysta, buqaralyq aqparat quraldarynda, telekommýnıkatsııa jelileri arqyly taratqany úshin jaýapkershilik qarastyrady», - dep habarlady vedomstvodan.

Jýrnalıst qalalyq polıtsııa basqarmasyna jetkizildi. Ol moıyndaý týraly kýálik berip, protsesýaldyq is-sharalar ótkizilgennen keıin eshqaıda ketpeý jáne tıisti minez-qulyq týraly qolhatpen shyqty.

«Qazirgi tańda tergeý oblystyq polıtsııa departamentiniń baqylaýynda. Ózge aqparat tergeý múddesi úshin jarııa etilmeıdi»,- dep atap ótti Jetisý oblystyq polıtsııa departamentinen.