Taldyqorǵanda joldy kútip ustamaǵan 61 laýazymdy tulǵaǵa aıyppul salyndy
Almaty oblystyq Polıtsııa departamenti baspasóz qyzmetiniń málimetinshe,
óńirde jol júrý qaýipsizdigin qamtamasyz etý jáne jol-kólik apattarynyń aldyn alý, sondaı-aq kólikterdiń kedergisiz qozǵalysyn qamtamasyz etý maqsatynda oblystyq PD Jol-tehnıkalyq ınspektsııasy bóliminiń qyzmetkerleri avtojoldardyń jaı-kúıin qadaǵalaıdy.
«Oblys ortalyǵynyń joldaryna monıtorıng pen taldaý júrgizildi. Naqty aıtqanda, buǵan deıin qalanyń kommýnaldyq kásipornyna Slanov kóshesiniń boıyna jańbyr sýyn qabyldaıtyn júıe ornatý týraly nusqama berilgen bolatyn. Degenmen, qaıta tekserý kezinde kemshilikterdiń kásiporyn tarapynan túzetilmegeni anyqtaldy. Osyǵan oraı, atalǵan kásiporynnyń laýazymdy tulǵalaryna QR ÁQbK 462-babynyń 3-tarmaǵyna sáıkes ákimshilik materıal toltyrylyp, sottyń qaraýyna joldandy»,- dedi Almaty oblysy PD Ákimshilik polıtsııa basqarmasynyń bastyǵy polıtsııa polkovnıgi Dáýlet Moldahanov.
Bıylǵy jyldyń alǵashqy toqsanynda oblystaǵy avtojoldarǵa 522 márte tekserý uıymdastyrylyp, anyqtalǵan kemshilikter boıynsha qalanyń jol jáne kommýnaldyq qyzmetterine 525 nusqama tabys etilgen. QR ÁQbK 631-babyna sáıkes 61 laýazymdy tulǵa ákimshilik jaýapkershilikke tartylǵan. Olarǵa jalpy alǵanda bir jarym mıllıon teńgeniń aıyppuly salynǵan.