Taldyqorǵanda jol erejesin buzǵan 8 myńǵa jýyq júrgizýshi jaýapqa tartyldy
TALDYQORǴAN.QazAqparat – Jyl basynan beri Taldyqorǵannyń tártip saqshylary jol erjesin buzǵan júrgizýshilerge 7937 ákimshilik hattama toltyrǵan, dep habarlaıdy QazAqparat tilshisi.
«Jazanyń qatańdatylǵanyna qaramastan, kólikti mas kúıde basqarǵan júrgizýshiler sany azaıar emes. Jyl basynan beri temir tulparyn ishimdik iship basqarýdyń 46 deregi áshkerelenip, tıisti sharalar qabyldandy. Kólik áınegine qarańǵylaıtyn plenka japsyrǵany úshin 350 hattama toltyryldy. Tıisti qujattary bolmasa da kólik basqarǵan 320 júrgizýshi ustaldy. Qozǵalys kezinde qaýipsizdik beldigin taqpaǵan 429 tulǵaǵa aıyppul salyndy»,- dedi Taldyqorǵan qalalyq polıtsııa basqarmasynyń bastyǵy polıtsııa polkovnıgi Asqar Nursapa.
Qazirgi tańda qalada jol qaýipsizdigin qamtamasyz etýge baǵyttalǵan arnaıy sharalar ótkizilip jatyr. Jol erejesin buzǵandarǵa qoldanystaǵy zańnamaǵa sáıkes qatań ákimshilik jazalar qoldanylýda.
«Jaıaý júrginshiler de kólik júrgizýshileri sııaqty jol qozǵalysynyń qatysýshylary. ıAǵnı olardan da jol júrý erejelerin qatań saqtaý talap etiledi. Joldy belgilenbegen jerden kesip ótý – jaıaý júrginshiler arasynda eń kóp kezdesetin quqyqbuzýshylyq. Onyń saldary óte aýyr bolýy múmkin. Osyǵan qaraı, jyl basynan 516 jaıaý júrginshige jol júrý erejelerin saqtamaǵany úshin ákimshilik hattama toltyrylyp, aıyppul salyndy»,- dep tolyqtyrdy polkovnık Asqar Nursapa.
