Taldyqorǵanda joǵalǵan oqýshy tabyldy
TALDYQORǴAN. QazAqparat - Taldyqorǵanda joǵalyp ketken 13 jasar oqýshy tabyldy, dep habarlaıdy QazAqparat tilshisi.
Almaty oblystyq ІІD baspasóz qyzmetiniń ókili Kóbeıhan Nurahmetovtiń málimetinshe, Ádilet Núsipbaevtiń júrgen jeri birneshe kúnnen keıin anyqtalǵan.
«Oqýshy 24 qyrkúıek kúni tabyldy. Bala din-aman. Ol qalada óz betinshe júrgen», - dedi ol.
Esterińizge sala keteıik, Ádilet Núsipbaevtyń joǵalǵandyǵy jóninde aqparat áleýmettik jelide taraǵan bolatyn. Alaıda, keı aqparat kózderinde 13 jastaǵy balanyń áli de tabylmaı jatqandyǵy jazylýda. Osyǵan baılanysty QazAqparat tilshisi oblystyq ІІD baspasóz qyzmetine habarlasqan bolatyn.
Vedomstvo keltirgen málimetterge qaraǵanda, Almaty oblysynda eki kúnde iz-túzsiz joǵalǵan 13 adam tabylǵan. Onyń 3-eýi kámelettik jasqa tolmaǵan balalar.
