Taldyqorǵanda joǵalǵan balanyń máıiti tabyldy
TALDYQORǴAN. QazAqparat - Taldyqorǵanda bir apta boıy izdestirilgen 2 jasar bala óli kúıinde tabyldy.
Anastasııa Rýdenkonyń denesin qutqarýshylar Qaratal ózeninen tapty, dep habarlaıdy QazAqparat tilshisi.
"Qaratal ózeniniń arnasymen qaıyqpen júzip kele jatqanda, ózen boıyndaǵy aralshyqtardyń birinen balanyń máıiti tabyldy. Ata-analardan balalardy alysqa jibermeýdi, olardy sýdyń jaǵasynda qaraýsyz oınatpaýdy suraımyz", - deıdi Almaty oblystyq TJD-nyń resmı ókili Azamat Jurtbaev.
2 jastaǵy Anastasııa Rýdenko úıdiń úlkeni. Balyqty ózeniniń mańynda turatyn kishkentaı qyz úıiniń aýlasynda oınap júrip, joǵalyp ketken bolatyn. Ony izdestirýge 60-tan astam adam jumyldyryldy. Eriktiler de belsene aralasty. Alaıda, oqıǵa qaıǵymen aıaqtaldy. Bul Almaty oblysynda bolǵan alǵashqy jaǵdaı emes. Bıyldyń ózinde 5 adam sýǵa batyp, qaza boldy.
