Taldyqorǵanda jezókshelik bıznesti uıymdastyrǵan qonaq úı ákimshisi ustaldy
TALDYQORǴAN.QazAqparat - Taldyqorǵanda jezókshelik bıznesti uıymdastyrǵan qonaq úı ákimshisi ustaldy. 48 jastaǵy áıeldi Almaty oblystyq ІІD Uıymdasqan qylmysqa qarsy kúres basqarmasynyń qyzmetkerleri qolǵa túsirdi, dep habarlaıdy QazAqparat tilshisi.
Kúdikti qonaqúı kelýshilerine aqyly túrde jeńgetaılyq jasap, jeńil júristegi qyzdardy usynyp otyrǵan. Qazir atalǵan fakti boıynsha QR QK 390 babyna sáıkes is qozǵaldy. Azamatsha arnaıy reıdtik shara barysynda qolǵa tústi.
Jalpy jyl basynan beri oblys aýmaǵynda jeńgetaılyqty kásip etken 9 adam qylmystyq jazaǵa tartylǵan. Olardyń basym bóligi qonaq úı bıznesinde qyzmet etken.
