Taldyqorǵanda «Jetisý» voleıbol klýbynyń jańa quramy tanystyryldy
TALDYQORǴAN. QazAqparat - Taldyqorǵandaǵy «Jastar» sport saraıynda Almaty oblystyq «Jetisý» voleıbol klýbynyń jańa quramy tanystyryldy, dep habarlaıdy QazAqparat tilshisi.
2001 jyly qurylǵan komanda sapy jas sportshylarmen tolyqty. Jańa oıyn maýsymy aldynda klýbtyń erler jáne áıelder komandalaryna qurmet kórsetilip, oıynshylardy jankúıerleri saltanatty túrde qarsy aldy.
Jalpy «Jetisý» áıelder komandasy elimizdiń jeti dúrkin chempıony jáne segiz dúrkin Qazaqstan kýbogynyń ıegeri. Qazaqstannyń ulttyq qurama sapynda jetisýlyq 5 voleıbolshy qyz óner kórsetedi.
Erler jáne áıelder komandalaryn Qazaqstan voleıbol federatsııasynyń vıtse-prezıdenti, Almaty oblystyq voleıbol federatsııasynyń prezıdenti, oblys ákimi Amandyq Batalov quttyqtap, sportshylarǵa jańa maýsymda sáttilik tiledi.
Saltanatty jıynda árbir voleıbolshynyń esimi jeke atalyp, sahna tórine shaqyryldy. Oıynshylar óz kezeginde voleıbol dobyna aty-jónderin jazyp, qoldaryn qoıyp kórermenderge taratty. Jalpy Almaty oblysynda osy sport túrimen 83 myń aınalyssa, 325 bapker osy salada eńbek etedi. «Jetisý» komandasynyń ataýy endi barlyq jerde latyn áripterimen jazylady.
