Taldyqorǵanda Jeńis kúnine oraı ótken báıgege 120-dan astam shabandoz qatysty

TALDYQORǴAN. QazAqparat - Taldyqorǵanda Jeńis kúnine oraı ulttyq at sporty túrlerinen jarys ótti. Alaman, qunan, top báıgeler men jorǵa jarysta sáıgúlikterin synaýǵa elimizdiń túpkir-túpkirinen 120-dan astam shabandoz keldi, dep habarlaıdy QazAqparat tilshisi.

Bunan bólek, birneshe kókpar komandalary ózara myqtylardy anyqtady. Báıge arasynda jamby atý, qyz qýý, teńge ilý sııaqty ulttyq oıyndar oınatylyp, rýhanı qundylyqtarymyz dáripteldi.

Aıta ketý kerek oblys ortalyǵynda Jeńis kúninde jáne basqa da merekeler aıasynda at sporty jarystary jıi uıymdastyrylyp turady. Báıgeni tamashalaýǵa keletin halyqtyń da sany artyp keledi. Babalar erligin nasıhattap, ulttyq ónerdiń órisin keńeıtýge baǵyttalǵan mundaı aýqymdy jarystar dástúrge aınalǵan.

Jeńis kúnine oraı ulttyq at sporty túrlerinen uıymdastyrylǵan jarys «Taldyqorǵan» ıppodromynda ótti. Alaman báıge, top báıge, qunan báıge, jorǵa jarys sııaqty jarystarǵa 100-den astam qatysýshy nıet bildirgen. Jarystardyń jalpy júlde qory – 18 mln teńge.