Taldyqorǵanda jedel járdem qyzmetine júginýshiler sany kúrt ósti
TALDYQORǴAN.QazAqparat - Taldyqorǵanda jedel járdem qyzmetine júginýshiler sany kúrt ósti. Ótken táýliktiń ózinde 512 qońyraý túsken. Onyń 300-ge jýyǵy balalar densaýlyǵyna shaǵymdanyp habarlasqan, dep habarlaıdy «QazAqparat» HAA tilshisi.
Qazir qala boıynsha 16 brıgada jumys istese, onyń 2-eýi balalarǵa qyzmet kórsetýde. Taldyqorǵan qalalyq jedel járdem qyzmeti dırektorynyń orynbasary Gúlnár Baıǵazınovanyń aıtýynsha, 16 brıgada Taldyqorǵan qalasy men qatar shaharǵa qarasty saıajaılar men aýyldy jerlerge qyzmet kórsetedi.
«Bizde Taldyqorǵan qalasy boıynsha 167 myń adam tirkeýde tur. Odan ózge biz Erkin, Kóktal, Yntymaq, Moınaq, Eńbek aýyldarymen qatar, Qyzyltas, Uıtas saıajaıdyń turǵyndaryna qyzmet kórsetemiz. Qazir qala boıynsha vırýstyq ınfektsııa júrip jatyr. Qońyraý shalýshylar sany óte kóp. Sál keshigip jatqanymyz da sondyqtan», - deıdi G.Baıǵazınova.
Sol sebepti dárigerler, balanyń ne bolmasa eresek adamnyń ystyǵy kóterilip, mazasy qashsa aspırın syndy dárilerdi qoldanýǵa keńes beredi. Jáne suıyqtyqty kóbirek ishken durys deıdi.
Aıta ketý kerek, bıylǵy tumaýdyń belgisi de erekshe. Halyq «dene qyzýynyń qatty kóterilýimen qatar, loqsyp-qusamyz» dep shaǵymdanýda. Jedel járdemdi 40 mınýt kútken taldyqorǵandyq ıAna Lomankova «4 jastaǵy qyzym osylaı aýyrdy» deıdi.
