Taldyqorǵanda jaıaý patrýl sany artty

TALDYQORǴAN. QazAqparat -Taldyqorǵanda jaıaý patrýl sany artty. Eger buryn qala kóshelerine tek ulttyq ulan sarbazdary patrýldik baqylaý júrgizse, jańa tártip boıynsha ár topqa bir-bir polıtsııa qyzmetkerinen qosyldy, dep habarlaıdy QazAqparat tilshisi.

Jaıaý patrýldiń kóbeıýimen birge olar aralaıtyn baǵyttar sany da artty. Eger osy ýaqytqa deıin ulttyq ulan jaýyngerleri qalada tek 20 baǵyt boıynsha júrse, endi olar aralaıtyn aýmaq úsh ese artyp, baqylaý baǵyttar sany 60-qa jýyqtady. «Patrýl sanynyń artýyna qala aýmaǵynyń keńeıip, halyq sanynyń ósýi basty sebep bolyp otyr», - deıdi oblystyq jergilikti polıtsııa basqarmasynyń basshysy Baǵdat Ábishev.

Almaty oblystyq polıtsııa departamenti baspasóz qyzmetiniń málimetinshe, óńirde qazirgi tańda 280 patrýldeý baǵyty ázirlengen. 125 avtokóliktik patrýldeý, 2150 jaıaý baǵyt, 5 modýldi beket bar. Al jaz aılarynda Taldyqorǵan qalasyndaǵy patrýldeıtin baǵyt sanyn 120-ǵa deıin jetkizý josparlanyp otyr.