Taldyqorǵanda jaýyngerlik ushaqty daıyndaý kezinde áskerı qyzmetshi mert boldy

ASTANA. QazAqparat – Taldyqorǵanda jaýyngerlik ushaqty daıyndaý kezinde áskerı qyzmetshi mert boldy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, 2023 jylǵy 15 tamyzda Taldyqorǵan avıatsııalyq bazasynda jaýyngerlik ushaqty ushýǵa daıyndaý kezinde oq-dáriler ózdiginen qozǵalyp ketken.

Sonyń saldarynan 2 áskerı qyzmetshi zardap shekti. Olardyń bireýi alǵan jaraqattarynan qaıtys boldy. Ekinshi áskerı qyzmetshige barlyq qajetti medıtsınalyq kómek kórsetilýde.

Tergeý is-sharalary júrgizilip jatyr. Tergeý múddesine sáıkes ózge aqparattar jarııalaýǵa jatpaıdy.

«Qarýly kúshterdiń qolbasshylyǵy men jeke quramy qaza tapqan áskerı qyzmetshiniń týystary men jaqyndaryna qaıǵyryp kóńil aıtady»,-delingen habarlamada.