Taldyqorǵanda jastarǵa arnalǵan bos jumys oryndary jármeńkesi ótti
TALDYQORǴAN. QazAqparat - Taldyqorǵan qalasyndaǵy Jastarǵa qyzmet kórsetý ortalyǵynda dástúrli bos jumys oryndar jármeńkesi men memlekettik baǵdarlamalarǵa arnalǵan ashyq esik kúni ótti, dep habarlaıdy QazAqparat tilshisi.
Shara barysynda oblystyq jastarǵa qyzmet kórsetý ortalyǵynyń mamandary bos jumys oryndaryn usynyp, Serpin -2050, Tehnıkalyq jáne kásiptik bilim berý, Dıplommen aýylǵa jáne Nátıjeli jumyspen qamtý jáne jappaı kásipkerlikti damytý memlekettik baǵdarlamalary týraly tolyq aqparat berdi.
Jármeńkege QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti, Almaty oblysynyń jumyspen qamtýdy úılestirý jáne áleýmettik baǵdarlamalar basqarmasy syndy memlekettik mekemeler men kásiporyndar qatysty. Jumys berýshi mekemelerden 320 bos jumys oryndaryna suranys tústi. Olardyń qatarynda dáriger, zerthanashy, psıholog, býhgalter, ofıs-menedjer, aǵylshyn tiliniń muǵalimi syndy mamandyqtarǵa tapsyrys berildi.
Shara sońynda jumys izedegen 15 azamat joldama aldy. Uıymdastyrýshylar aldaǵy ýaqytta olar turaqty jumysqa ornalasady degen senimde.
