Taldyqorǵanda jastardyń óz stýdenttik qalashyǵy bolady

TALDYQORǴAN. QazAqparat - Taldyqorǵanda stýdenttik jataqhana oblys ortalyǵynyń eń yńǵaıly ári sáýleti jarasqan jerinde boı kótermek, dep habarlaıdy QazAqparat tilshisi.

Ǵımaratta stýdentterdiń jan-jaqty bilim alýy men tynyǵýyna qajetti jaǵdaıdyń barlyǵy qarastyrylǵan. 1-qabatta kitaphana, ashana, shaǵyn kınozal, medıtsınalyq pýnkt jáne stýdentterdiń jeke qyzyǵýshylyǵyna baılanysty túrli sheberhanalar bolady.

Sondaı-aq joba boıynsha árqaısysy 3 adamǵa arnalǵan 96 bólme, galereıa men lıft bolady.

Jataqhana mańynda qala jaǵajaıy, saýda ortalyqtary, Qaratal ózeniniń boıyndaǵy serýendeýge arnalǵan alleıa, ortalyq saıabaq, Ardagerler saıabaǵy jáne t.b. demalys oryndary, nysandar men ǵımarattar bar.

Bul da - oblys basshylyǵynyń Jastar jylynda jastarǵa jasaǵan tamasha syıy. Ol jastar úshin bos ýaqytty tıimdi ári qyzyqty ótkizýge arnalǵan yńǵaıly oryndardyń biri bolmaq.

Nysandy osy jyldyń sońyna deıin paıdalanýǵa berý josparlanǵan.