Taldyqorǵanda jasóspirimder arasyndaǵy qylmys órship tur
Jańa oqý jyly qarsańynda qalalyq tártip saqshylary bilim basqarmasynyń qyzmetkerleri, mektep dırektorlary jáne mektepke deıingi bilim berý mekeme jetekshilerimen kezdesti. Basty maqsat - oqýshylar men balalardyń qaýipsizdigin qamtamasyz etip, tótenshe jaǵdaılardyń aldyn alý.
«Bıylǵy jeti aıda kámelet jasyna tolmaǵandar arasynda 39 qylmys tirkelgen. Bul ótken jyldyń osy merzimimen salystyrǵanda 11 faktige artyq», - deıdi polıtsııa basqarmasynyń basshysy A. Nursapa.
Sondaı-aq, onyń málimetinshe, qala aýmaǵynda jasóspirimderge baǵyttalǵan 5 jedel aldyn-alý sharasy uıymdastyrylǵan. Nátıjesinde ártúrli quqyq buzý faktileri boıynsha 634 jasóspirim polıtsııa bólimshesine jetkizilip, 445 hattama toltyryldy. QR ÁK 442-baby, 2-tarmaǵy boıynsha, ıaǵnı balalardyń túngi ýaqytta zańdy ókilisiz júrgeni úshin 287 hattama jazyldy. Kámelet jasyna tolmaǵandarǵa alkogol ónimin satqan 12 jaǵdaı tirkelgen. Qala joldarynda balalardyń qatysýymen 37 jol-kólik oqıǵasy bolǵan. Bir bala qaıtys bolyp, 40 jasóspirim jaraqat alǵan.
Kezdesý sońynda taraptar arasyndaǵy baılanysty kúsheıtý máselesi kóterildi. Ata-analar men muǵalimder, polıtsııa qyzmetkerleri jáne áleýmettik pedagogtar men psıhologtar bir-birimen senimdi ári tyǵyz qarym-qatynasta bolýy tıistigi aıtyldy. ıÝvenaldy polıtseıler men jol-patrýl polıtseılerdiń, ýchaskelik ınspektorlardyń ata-analar jınalysyna qatysýy mindetteldi. Sondaı-aq tártip saqshylaryna mektep mańynda tańerteń jáne ekinshi aýysym kezinde kezekshilik júrgizý tapsyryldy.