Taldyqorǵanda jańa týǵan sábıdiń denesi qoqystan tabyldy

TALDYQORǴAN. QazAqparat - Búgin tańǵy saǵat 8:00 shamasynda Taldyqorǵanda qoqystan jańa týǵan sábıdiń denesi tabyldy, dep habarlaıdy QazAqparat tilshisi.

Kýágerdiń sózinshe, sábıdiń kindigi kesilmegen.

«Qoqys tógýge shyqqanmyn. Qarasam aq oramalǵa oralǵan bala jatyr. Kindigi kesilmegen. Joldasymen qosa jatyr. Bala ólip qalǵan. Shamamen merziminen buryn (7-8 aılyq) týǵan ba dep oılaımyn, kishkentaı bala eken», - dedi QazAqparat tilshisine kýáger.

Qazir oqıǵa ornynda polıtseıler jumys istep jatyr. Ázirge balany qoqysqa kimniń tastap ketkeni belgisiz.

Aıta keteıik, shaqalaqtyń denesi Taldyqorǵandaǵy 7 shaǵyn aýdandaǵy 17 úıdiń qoqys tógetin jáshiginen tabyldy.