Taldyqorǵanda jalǵan aqparat taratqan 3 áıel ustaldy
ASTANA. QazAqparat - Belgisiz bireýler whatsapp messendjeri arqyly Taldyqorǵanda jasóspirimdi urlap ketti degen aqparat taratqan. Bul aqparatty arnaıy tekserý toby joqqa shyǵardy, dep habarlaıdy Almaty oblysynyń ІІD baspasóz qyzmeti.
«Taldyqorǵan polıtsııasy balanyń urlanǵandyǵy týraly jalǵan aqparat taratqan kúdiktilerdi anyqtap, qamaýǵa aldy. Olar oblys ortalyǵynyń 1971, 1994, 1997 jyldary týǵan turǵyndary bolyp shyqty. Kúdikti úsh áıel kinálaryn moıyndap otyr», - delingen baspasóz habarlamasynda.
Fakt boıynsha tergeý júrip jatyr.
