Taldyqorǵanda jaǵylǵan Ýnıversıada alaýy Almatyǵa jol tartty
TALDYQORǴAN. QazAqparat - Taldyqorǵandyqtar 28-shi Dúnıejúzilik Ýnıversıada alaýyn Almaty qalasyna shyǵaryp saldy, dep habarlaıdy Qazaqparat tilshisi.
Estafeta alaýyn bokstan Azııa jáne álem chempıony Jánibek Álimhanuly máre syzyǵyna alyp keldi. Dálirek aıtqanda talaı halyqaralyq sporttyq dodalar ótetin «Jastar» sport saraıyna jetkizdi. Bul jerde alaýdy oblys ákiminiń orynbasary Serik Turdalıev Alaý estafetasy dırektsııasynyń tehnıkalyq mamany Ekaterına Ermakqa tabystady. Maman alaýdy jarys ótetin Almaty qalasyna alyp ketti. Shyǵaryp salý rásimi estrada juldyzdarynyń súıemeldeýimen jáne 2 myń kórermenniń qatysýymen ótti. Barsha Jetisý jurty alaý estafetasyna erekshe qurmet kórsetip, qazaqstandyq sportshylarǵa sáttilik tiledi.
Aıta ketý kerek, búgin Taldyqorǵan qalasynda Ýnıversıada alaýy Jastar saıabaǵynda tutatyldy. Óńir basshysy Amandyq Batalov alaýgerler kóshin bastap, jetisýlyq aýyr atlet, Rıo Olımpıadasynyń qola júldegeri Karına Gorıchevaǵa tabystady.
60 alaýger shahardyń eń basty kóshelerimen 12 shaqyrymdy júgirip ótti. Palýan Nurmahan Tinálıev, karateshi Mereı Súıinov, aýyr atlet Margarıta Elıseeva, boksshy Jánibek Álimhanuly sııaqty sportshylarmen qatar alaý ustap, jas dárigerler, muǵalimder, jýrnalıster de júgirdi. Alaýgerlerge 25 myń taldyqorǵandyq tik turyp qurmet kórsetti.
