Taldyqorǵanda zańsyz adam tasyǵan júrgizýshi jaýapqa tartyldy
TALDYQORǴAN. QazAqparat - Taldyqorǵanda jeke kásipker retinde tirkelmeı, adam tasyp tabys tapqan kólik júrgizýshisi ákimshilik jazaǵa tartyldy, dep habarlaıdy QazAqparat tilshisi.
Taldyqorǵan qalasyndaǵy mamandandyrylǵan aýdanaralyq ákimshilik sotynda T. esimdi azamattyń QR ÁK 463-shi baby, 1-shi bóligi boıynsha ákimshilik isi qaraldy.
Zańbuzýshy azamat Taldyqorǵan qalalyq memlekettik kiris basqarmasyna jeke kásipker retinde tirkelmeı, kásipkerlikpen aınalysqan. ıAǵnı, óz kóligimen aqyly qyzmet kórsetken. 2017 jyldyń 14-shi jeltoqsanynda oǵan basqarma qyzmetkerleri tarapynan ákimshilik zań buzǵany týraly hattama toltyryldy. Zań buzýshy QR ÁK 463-shi baby, 1-bóligine sáıkes kináli dep tanyldy. Oǵan 15 aılyq eseptik kórsetkish, ıaǵnı 34 035 teńge kóleminde aıyppul salyndy.
Qaýly zańdy kúshine engen joq.
