Taldyqorǵanda úıinen qashyp ketken aǵaıyndy eki jasóspirim tabyldy
ASTANA. QazAqparat - Taldyqorǵanda úıinen qashyp ketken aǵaıyndy eki jasóspirim izdestirildi, dep habarlady Almaty oblystyq ІІD-niń baspasóz qyzmeti.
Eki habar-osharsyz ketken kámelettik jasqa tolmaǵandar týraly shaǵym ІІB-ge 2 tamyzda kelip tústi. Fakti boıynsha mán-jaıdy zerdelegen kezde balalardyń úıde ata-anasymen janjaldasyp qalyp ketip qalǵany belgili boldy. Olar uıaly telefondaryn sóndirip tastaǵan.
«Іzdeý bólimi, ıývenaldyq polıtsııa, patrýldik jáne ýchaskelik bólim qyzmetkerleri qala, saıajaılardy tekserdi. Túrli oıyn salondarynan, aýla klýbtarynan, basseınder men saıabaqtardan qarady. Nátıjesinde, aǵaıyndylardyń kishisi úsh táýlikte, aǵasy tórtinshi kúni tabyldy. Osy ýaqyt aralyǵynda aǵaıyndylar Taldyqorǵan shetinde ornalasqan kólik jýatyn oryndardyń birinde jumys istep aqsha tapqan. Qazir ekeýi de aman-esen, týystaryna tabys etildi», - dep málim etti ІІD-niń baspasóz qyzmeti.
Polıtseılerge jasóspirimder úıde urys-keris bola bergen soń qashyp ketkenderin aıtty. Qazir ıývenaldyq polıtsııa otbasyny baqylaýǵa aldy. Olar úıdegi qalyptasqan jaǵdaıdy zerdelemek. Budan basqa polıtseıler avto jýý ornyn, kámelettik jasqa tolmaǵan balalardy ne úshin jumysqa alǵanyn bilý úshin sol jerdiń ıesin tekserýge nıetti.
