Taldyqorǵanda úsh jańa mektep salynyp jatyr
TALDYQORǴAN. QazAqparat - Jańa oqý jylynda Taldyqorǵanda úsh birdeı jańa mektep paıdalanýǵa beriledi dep josparlanýda. Atap aıtqanda, mýzyka jáne árqaısysy 1200 oryndyq eki jalpy bilim beretin mektepter, dep habarlaıdy QazAqparat tilshisi.
Qurylys nysandarynyń jumysymen tanysqan óńir basshysy Amandyq Batalov ár nysanǵa qatysty eskertpelerin aıtyp, atqarylyp jatqan jumystardyń sapasyna basa nazar aýdarýdy tapsyrdy.
Oblys ortalyǵyndaǵy 300 oryndyq mýzyka mektebi jańa Ońtústik-Batys turǵyn úı aýdanynda ornalasqan. Eki qabatty ǵımarattyń keıpi amfıteatrǵa uqsas, 200 orynǵa arnalǵan jeke kontsert zaly bar. Nysandaǵy jumystar kestege sáıkes júrgizilýde. Osy aýdanda 1200 oryndyq jalpy bilim beretin mekteptiń de qurylysy júrip jatyr. 1200 orynǵa arnalǵan taǵy bir mektep oblys ortalyǵynyń soltústik-batys aýdanynda salynýda. Bas merdigeri - «Melior Logistik», jobalaýshy uıym - «Arlan-Joba Qurylys» JShS. Bul bilim nysanynyń qurylysy shilde aıynda aıaqtalýy tıis. Qazir ishki árleý jumystary júrip jatyr. Oblys ákimi mekteptiń qasbet túsiniń qandaı bolatynyn naqtylap berip, sol sııaqty tańdalǵan ishki esikterin, jaryq shamdary men eden plıtkalaryn kórip, maquldady.
