Taldyqorǵanda úsh turǵyn úıdegi kireberisi karantınge jabyldy
TALDYQORǴAN. QazAqparat - Almaty oblysynda koronavırýs juqtyrýǵa qatysty 7 oqıǵa tirkelip, Taldyqorǵanda taǵy úsh kireberis turǵynldary karantınge alyndy, dep habarlaıdy QazAqparat tilshisi.
Olardyń barlyǵy Qaratal shaǵyn aýdanynda ornalasqan 57-úıdiń 3-shi kireberisi, 59b úıdiń 1-shi kireberisi, 60b úıdiń №1 kireberisi.
«Almaty oblysynda koronavırýs juqtyrýǵa qatysty 7 jaǵdaı tirkeldi. Onyń úsheýi Taldyqorǵan qalasynda, ekeýi Kegen aýdanynda, Qapshaǵaı qalasy men Talǵar aýdanynda bir-bir adamnan anyqtaldy. 5 patsıenttiń syrqat juqtyrǵany profılaktıkalyq tekserý barysynda anyqtalǵan. Ekeýi medıtsınalyq mekemege óz betinshe júginýi barysynda belgili boldy. Naýqastardyń barlyǵy juqpaly aýrýlar bólimine jatqyzyldy. Olarmen 91 adamnyń baılanysta bolǵany naqtylandy. Barlyǵy baqylaýǵa alynyp, epıdemıologııalyq tekserý jasalýda»,- dep málimdedi Almaty oblysy ákiminiń baspasóz qyzmetinen.
Sonymen qatary Taldyqorǵanda taǵy úsh mekenjaı tıisti qaýlyǵa sáıkes indet oshaǵy dep tanylyp, karantınge alyndy.
Jalpy Almaty oblysynda COVID-19 ınfektsııasyn juqtyrǵan 219 adam tirkeldi.
