Taldyqorǵanda urylar shoıynnan qorshalǵan zırattardy tonap jatyr
TALDYQORǴAN. QazAqparat - Taldyqorǵanǵa qarasty Ótenaı aýylyndaǵy zırattyń shoıyn qorshaýlary urlanyp jatyr. Urylar qorshaýlardy túbinen syndyryp, qoldy qylýda, dep habarlaıdy QazAqparat tilshisi.
«14 naýryz kúni zıratqa barǵanymda tórt birdeı jaqynymnyń qorshaýlary urlanǵanyn kórip, jaǵamdy ustadym. Ákemniń, apamnyń, tátemniń jáne apaıymnyń molalary shoıynnan qorshalǵan. Urylar shoıyn temirlerdi túbinen syndyryp, túgin qaldyrmaı urlap ketken. Al janynda jáı temirmen qorshalǵan zırattardyń qorshaýlary tur. Biz týystarymyzdyń basyna sońǵy ret 20 aqpan kúni barǵan bolatynbyz. Ol kezde týystarymyzdyń zırattarynyń esikteri urlanǵanyn kórdik. Іshimdikke salynǵan bireýler qoldy qylǵan bolar dep oılap, eshqaıda aryzdanbadyq. Al 14 naýryz kúni qorshaýdyń esigin jasaıyq dep kelsek, búkil qorshaýdyń barlyǵyn syndyryp alyp ketken. Shoıyn óte aýyr ǵoı. Olar kólikterimen kirip, josparlaryn asyqpaı júzege asyrǵany kórinip tur. Zırattyń janynda kóliktiń izderi jatyr», - dedi Taldyqorǵandyq Aleksandr German.
Shaǵymdanýshy sol sátte tergeýshige habarlasyp, aryz qaldyrǵanyn jetkizdi. Oblystyq Polıtsııa departamentiniń baspasóz qyzmeti oqıǵanyń bolǵanyn rastady.
"Atalǵan derek Sotqa deıingi tergep-tekserýdiń biryńǵaı tizimine engizilip, QR Qylmystyq kodeksiniń 188-babyna sáıkes sotqa deıingi tergeý amaldary júrgizilýde. Qazirgi ýaqytta jedel izdestirý jumystary uıymdastyrylýda. Bul is Taldyqorǵan qalalyq polıtsııasynyń óndirisinde",- dedi atalǵan vedomstvonyń ókili Serik Úpıev.
