Taldyqorǵanda ýnıversıtet janynan memlekettik qyzmet mektebi ashyldy
TALDYQORǴAN. QazAqparat - Іlııas Jansúgirov atyndaǵy Jetisý memlekettik ýnıversıteti janynan memlekettik qyzmet mektebi ashyldy, dep habarlaıdy QazAqparat tilshisi.
Oqý orny stýdentteri onda teorııalyq jáne tájirıbelik taǵylymdamadan ótedi. Ortalyqta memlekettik qyzmetkerdiń ádebi men ımıdjin jetildirý jóninde dárister oqytylady. Al shákirtterge memlekettik qyzmetkerlerdiń ózderi kelip sabaq beredi. Odan bólek, psıhologtar men oratorlar stýdenttermen jumys isteıdi. Atalǵan mekteptiń esigi ýnıversıtette oqıtyn kez-kelgen stýdentke ashyq.
Sonymen qatar olar memlekettik qyzmet týraly maǵlumat alyp, testke daıyndalady. Oqý maýsymynyń sońynda shákirtterge arnaıy sertıfıkattar tabystalady. Jobany oqý ordasy basshylyǵy men Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti birlese júzege asyrady.
