Taldyqorǵanda ÚEU arnalǵan úsh qabatty áleýmettik ortalyq ashyldy
Jańa mekemede uıym ókilderi úshin barlyq jaǵdaı qarastyrylǵan. Mamandar kompıýterlik túrli baǵdarlamalardy úıretýge, aǵylshyn tilin tegin meńgerýge jáne eń bastysy áleýmettiktik jobalardy júzege asyrýǵa jan-jaqty tegin kómek kórsetetin bolady.
«Qarjylandyrý kólemi jyldan jylǵa artyp keledi. Oblys ákimdiginiń qoldaýymen 2016 jyly 25 mln bolsa, byltyr 50 mln teńgege jetti. 2019 jyly 75 mln teńgeniń granty beriledi. Bizdiń úkimettik emes uıymdar tek qana oblystyq qana emes, respýblıkalyq jáne halyqaralyq granttardy alyp, keremet jobalardy júzege asyrýǵa múmkindikteri bar», - dedi Almaty oblystyq Іshki saıasat basqarmasynyń basshysy Rýstam Alpysbaev.
Jetisý óńirinde 1000 - nan asa úkimettik emes uıym bar. Biraq onyń 300-den astamy ǵana belsendi jumys isteıtinin aıtady mamandar. Al mundaı ortalyqty ashýdaǵy negizgi maqsat ár adamnyń qoǵam aldyndaǵy belsendiligin arttyryp, elimizdiń damýyna óz úlesterin qosýǵa beıimdeý.
«Azamattar kúndelikti tirshilikpen, bıznespen ǵana emes, sonymen qatar óz aınalasyndaǵy qoǵamǵa da óz úlesin qosý kerek», - dedi Rýstam Alpysbaev.
