Taldyqorǵanda túrkitildes elder kınofestıvalin ótkizý usynyldy

TALDYQORǴAN. QazAqparat - Taldyqorǵanda túrkitildes elder kınofestıvalin ótkizý usynyldy. Almaty oblysy ákimi Amandyq Batalovtyń eseptik jıynynda rejısser Aqan Sataev onlaın baılanysqa shyǵyp, osyndaı oı tastady, dep habarlaıdy QazAqparat tilshisi.

«Taldyqorǵan - Jetisýdyń bas qalasy. Oblys ortalyǵy jyldan-jylǵa kórkeıip, ajarlanyp keledi. Halyqaralyq deńgeıde rýhanı ári mádenı sharalar ótkizýge ábden laıyq», - degen Aqan Sataev oblys basshysyna túrkitildes elder kınofestıvalin ótkizýdi usyndy. Amandyq Batalov bul usynysty quptap, mundaı sharany ótkizý arqyly biz oblys ortalyǵyn álemge tanytamyz degen pikir aıtty. Jáne mundaı halyqaralyq kınofestıvaldi bıyldan qaldyrmaý kerektigin jetkizdi.

«Jańadan salynǵan teatrymyz bar, janynda ádemi qonaq úı tur, tamaqtaný oryndary jetkilikti. Teatrda kınopremeralardy kórsetip, qonaqtardy ornalastyryp, jaqsylap kútip alýǵa barlyq múmkindigimiz bar. Sondyqtan biz barlyq jaǵynan bul jobaǵa qoldaý kórsetemiz», - dedi óńir basshysy.