Taldyqorǵanda turaqty mekenjaıy joq adamdar jańa jyldy atap ótti
TALDYQORǴAN. QazAqparat - Taldyqorǵan qalasyndaǵy turǵylyqty meken-jaıy joq tulǵalardy áleýmettik beıimdeý ortalyǵynda jańa jyl shyrshasy ótti, dep habarlaıdy QazAqparat tilshisi.
Qazirgi tańda bul ortalyqty 160-tan astam qańǵybas panalaýda. Áleýmettik mekeme ujymy olarǵa arnap jańa jyl shyrshasyn uıymdastyryp, syılyqtar tabystady.
Bıyl bul mekemeniń ashylǵanyna 5 jyl toldy. Osy ýaqyt ishinde 600-den astam adam osy jerden pana taýyp, qujatyn rettep, qoǵamǵa beıimdeldi.
Jalpy bul jerge keletin azamattardyń taǵdyry árqıly. Al osy jyldan bastap túzetý mekemelerinen bosap shyqqan qylmyskerlerdiń turǵylyqty mekenjaıy bolmasa osy ortalyqqa jiberiletin boldy. Sondyqtan turaqty mekenjaıy joq tulǵalar sany kúrt ósip ketti deıdi, ortalyq dırektory Gúlnaz Tileýberlınova. Mekeme mamandary densaýlyǵy joqtardyń múgedektigin rásimdep, qujattaryn jınap, zeınetkerlerdiń zeınetaqysyn alyp berýge kómektesedi. Jumysqa jaramdylaryn jumysqa ornalastyrady.
Bıyl áleýmettik beıimdeý ortalyǵy jańa ǵımaratqa kóshti. Qajetti kólik, jıhazben qamtamasyz etildi.
«Sondyqtan jyldy qortyndylap, qaramaǵymyzdaǵylardyń kóńilin aýlap, jańa jyl kelgenin sezingenin qaladyq», dep oı qorytty mekeme basshysy.
