Taldyqorǵanda tuńǵysh ret jemqorlyqqa qarsy avtosherý ótti
Shara jastar jyly aıasynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti men oblystyq jastar saıasaty máseleleri jónindegi basqarmasynyń bastamasymen uıymdastyryldy.
«Ár kólik ıesi talǵamy men ustanymy qalyptasqan tulǵa ekeni belgili.Sol sebepti túrli markaly kólikter qala ortalyǵyna jınalyp, "sybaılas jemqorlyqqa jol joq",- dep, óz oılaryn bildirdi. Avtorsherýge Mercedes, Audi, Toyota, Volkswagen, Bmw, Subaru, Mitsubishi markaly kólikterdiń klýbtary jáne jol talǵamaıtyn kólikter toptasqan «Kochevnık» klýbtary qatysty», - dep málimdedi sharany uıymdastyrýshy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń ókili Symbat Israpýlova.
Qonaev kóshesinde bastalǵan avtosherý qalanyń basty kóshelerimen júrip ótip,jergilikti turǵyndar men qala qonaqtaryn sybaılas jemqorlyqqa qarsy turýǵa erekshe ádispen shaqyrdy.
Sharaǵa qatysýshy ár kólikke «Jetisý - adaldyq alańy» jobasynyń logotıpi men sybaılas jemqorlyqqa qarsy qyzmet koll-ortalyǵynyń 1424 nómiri beınelengen arnaıy japsyrma taǵyldy.
Avtosherý sońynda avtokólikter «JASTAR» degen jazý jazyp, sherýdiń núktesin qoıdy.