Taldyqorǵanda tuńǵysh ret asyq atýdan oblystyq saıys ótti
TALDYQORǴAN. QazAqparat - Taldyqorǵanda tuńǵysh ret asyq atýdan oblystyq saıys ótti, dep habarlaıdy QazAqparat tilshisi.«Asyq chemp» dep atalatyn jasóspirimder arasyndaǵy básekege 20-ǵa jýyq bala qatysty.
9 jastaǵy Meıirjan Bolysbaı oıyn kórigin qyzdyryp, jıylǵan jurttyń nazaryn ózine aýdardy. Kózdep atqan saqasy dittegen jerge dóp tıip, surmergendigimen qosa, qolynyń eptiligin de kórsetti. Tórt jasynan bastap asyq oınap júrgen bala jarysta ekinshi oryn aldy.
«Meniń 356 asyǵym bar. Ony myńǵa deıin jetkizemin. Ony menen kishi baýyrlaryma beremin», - deıdi Meıirjan Bolysbaı.
Jarysta taldyqorǵandyq Arnur Baqytovtyń asyǵy alshysynan tústi. Oǵan júldeli birinshi oryn buıyrdy.
Іlelik Meıirjan Bolysbaı eki, kóksýlyq Aqnıet Asylbek úshinshi orynǵa qol jetkizdi.
Jeńimpazdardyń barlyǵy baǵaly syılyqtarmen marapattaldy.
«Asyq chemp» týrnırynyń basty maqsaty - Elbasynyń «Bolashaqqa baǵdar: Rýhanı jańǵyrý» maqalasy aıasynda, jastar arasynda ulttyq sport túrin ıaǵnı, asyqty nasıhattaý, jasóspirimderdi eptilikke, mergendikke baýlý.
