Taldyqorǵanda tuńǵysh ret álemdik deńgeıde boks dodasy ótedi
TALDYQORǴAN.QazAqparat - «Astana arlandary» kásipqoı boks klýby Ózbekstan eliniń komandasymen kúsh synasady. 18 aqpanda búkilálemdik boks serııasynyń jekpe-jegi Taldyqorǵan qalasynda ótedi, dep habarlaıdy QazAqparat tilshisi.
«Astana arlandary» klýbynyń resmı saıtyndaǵy aqparatqa sáıkes, bizdiń sportshylar Almatyda oqý-jattyǵý jıyndaryn ótkizýde. Komandanyń bas bapkeri Nurlan Aqúrpekovtiń aıtýynsha, ózbek boksshylarymen ótetin jekpe-jek ońaıǵa túspeıdi. Byltyrǵy maýsymda jartylaı fınalǵa deıin jetken komandada álem jáne Olımpıada oıyndarynda júlde alǵan boksshylar bar.
«Dál qazir ózbek komandasynan kimderdiń shyǵatyny belgisiz. Biz barynsha aqparat jınap, ár salmaq dárejesindegi boksshylardyń barlyǵyna qarsy aıla-tásilderimizdi oılastyryp jatyrmyz. Ótken aptada olar Qytaı komandasynan utyldy. Endi baryn salatyny anyq», deıdi N. Aqúrpekov.
18 aqpanda ózbekstandyq komandamen bolatyn aıqastan keıin «arlandar» 4 naýryzda «China Dragons» komandasyn qabyldaıdy. Al 18 naýryzda reseıliktermen kezdesedi.
