Taldyqorǵanda túngi ýaqytta jumys istegen dámhanaǵa aıyppul salyndy
TALDYQORǴAN. QazAqparat - Taldyqorǵanda dámhana ákimshisine 10 AEK aıyppul salyndy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Taldyqorǵan qalasyndaǵy meıramhanalardyń biri tótenshe jaǵdaı rejımine jáne salynǵan tyıymdarǵa qaramastan óz qyzmetin júrgizgen.
Qazirgi ýaqytta barlyq aýmaqtarda polıtsııa qyzmetkerleri ýákiletti organdarmen birlesip azamattardyń tótenshe jaǵdaı rejımin saqtaýyn qadaǵalaýda. Osy maqsatta, adamdardyń jappaı jınalaýyn kózdeıtin barlyq kóńil kóterý, sporttyq, oıyn-saýyq oryndary tekserilýde.
Arnaıy tekserýmen atalǵan mekemege polıtsııa qyzmetkerleri saǵat 22.00-den keıin kelgen. Tekserý kezinde mekeme birneshe klıentke qyzmet kórsetkeni anyqtaldy. Nátıjesinde 25 jastaǵy kafeniń ákimshisi QR ÁQBtK-niń 476-babynyń 3-tarmaǵyna sáıkes ákimshilik jaýapkershilikke tartyldy. Óz kezeginde Taldyqorǵan qalasynyń MAÁS qyzmeti azamatqa qatysty 10 AEK kóleminde ákimshilik aıyppul salý túrinde jaýapkershilikke tartý týraly qaýly shyǵardy.
