Taldyqorǵanda Tóleýtaı Raqymbekovti qoldaý maqsatynda fleshmob ótti

TALDYQORǴAN. QazAqparat - Taldyqorǵanda jergilikti jastar prezıdenttikke úmitker Tóleýtaı Raqymbekovti qoldaý maqsatynda arnaıy fleshmob uıymdastyryp, úmitkerge qoldaý kórsetti. Bul jóninde «Aýyl» partııasynyń baspasóz qyzmeti habarlady.

Prezıdentikke úmitker Tóleýtaı Raqymbekov óz baǵdarlamasynda jastar máselesine erekshe kóńil bólgen. Onyń ishinde baı rýhanı muramyzdy saqtap, jas urpaqtyń sanasyna sińdirý joldaryn usynady. Jastar saıasatyn nyqtap qolǵa alý kerek. Ásirese, bilim berý, turǵyn úı, jumysqa ornalasý jáne tálim-tárbıege qatysty máselelerge beı-jaı qaraýǵa bolmaıdy. Qazirgi jahandaný dáýirinde jas tolqynnyń jat mádenıetke jutylyp ketý qaýpi bar. Osy maqsatta Taldyqorǵan qalasynyń ortasynda arnaıy fleshmob uıymdastyrylyp, jergilikti qyz-jigitter ulttyq bıimizdi erekshe naqyshta oryndap shyqty.

Aktsııa aıasynda Tóleýtaı Raqymbekov óńirlik shtabynyń ókilderi úmitker baǵdarlamasyn qala turǵyndaryna taratyp, onyń negizgi tetikterin túsindirdi. Ásirese, dál osy jastar saıasatyna qatysty baǵyttar qyzý talqylandy.

Qazir úgit-nasıhat naýqanynyń naǵyz qyzǵan shaǵy. Prezıdenttikke úmitker Tóleýtaı Raqymbekovty qoldaýǵa arnalǵan sharalar elimizdiń barlyq aımaǵynda ótip jatyr. Al, kadıdattyń ózi aldaǵy aptada batystaǵy óńirlerge baryp, jergilikti turǵyndarmen kezdesýler ótkizbek.