Taldyqorǵanda terezeden qulaǵan bala aýrýhanadan shyqty
TALDYQORǴAN.QazAqparat - Taldyqorǵanda ekinshi qabattyń terezesinen qulaǵan kishkentaı Arýna Qýanyshqyzy aýrýhanadan shyqty, dep habarlaıdy QazAqparat tilshisi.
«Búgin Arýna aýrýhanadan shyqty. Densaýlyǵy bári jaqsy», - dedi oblystyq kópsalaly balalar aýrýhanasynyń bas dárigeri Marat Dosqalıev.
Arýana Qýanyshqyzynyń densaýlyǵy endi biraz ýaqyt boıy dárigerlerdiń baqylaýynda bolady.
Esterińizge sala keteıik, 15 mamyr kúni Taldyqorǵanda mektep janynan ashylǵan shaǵyn ortalyqtyń ekinshi qabatynan 2 jasqa áli tolmaǵan bala qulap ketken bolatyn. Eki kún komada jatqan sábıdiń terezeden qulaǵan sáti beınebaqylaý kamerasyna jazylyp qalǵan. Al balany terezege ózi aparyp shyǵarǵan tárbıeshi artynsha jumystan shettetildi. Oqıǵa qaladaǵy №19 mektep-gımnazııasynda bolǵan. Mektep dırektory Qaırat Sarqytovtyń aıtýynsha, bala shaǵyn ortalyqqa eki kún buryn ǵana qabyldanǵan. Al terezeden qulaǵan qyzdyń ákesi sol mektepte - dene tárbıesiniń, al anasy - bastaýysh synyp muǵalimderi.
«Bul derek boıynsha qazirgi ýaqytta sotqa deıingi saraptama taǵaıyndaldy. Saraptama qorytyndysy boıynsha naqty protssesýaldyq sheshim qabyldanatyn bolady. Osy jaǵdaıǵa kináli tulǵalar jaýapkershilikke tartylady», - dedi Almaty oblystyq PD baspasóz qyzmetiniń ókili Serik Úpıev.
