Taldyqorǵanda tártip saqshylary medıtsınalyq betperde taratty
TALDYQORǴAN. QazAqparat - Taldyqorǵanda tártip saqshylary medıtsınalyq betperdeler taratty, dep habarlaıdy QazAqparat tilshisi.
Polıtsııa qyzmetkerleri jol boıy men qoǵamdyq oryndarda azamattarǵa karantın kezinde sanıtarlyq jáne gıgıenalyq normalardy saqtaý qajettiligin túsindirdi. Patrýldik polıtsııa ekıpajdary, jaıaý patrýlder qyzmeti qalada karantındi qamtamasyz etýde osy jumysqa baǵyttalǵan.
«Karantın kezinde keıbir azamattar, ókinishke oraı, jeke qorǵanýdyń qarapaıym ádisin ustanbaıdy jáne qoǵamdyq oryndarda, kóshede serýendeý kezinde, medıtsınalyq betperdeni kımeıdi, áleýmettik ara qashyqtyqty saqtamaıdy. Qaýip-qaterdiń áli seıilmegenin jáne qorǵanysh quraly ınfektsııanyń taralýyn azaıtýǵa septigin tıgizetinin túsinýi mańyzdy. Qandaı da bir sebeptermen medıtsınalyq betperdesiz júrgen azamattarǵa ınspektorlar maska kııý qajettigin eske sala otyryp, olardy usynady. Mundaı jumystar oblystyń barlyq aýdandarynda júrgizilip jatyr», - deıdi Almaty oblysy Polıtsııa departamenti bastyǵynyń orynbasary Danııar Mendebaev.
Polıtseıler br kún ishinde qala turǵyndaryna 500-ge jýyq medıtsınalyq betperde tabystady.
