Taldyqorǵanda tapanshamen oq atqan kúdiktiniń ústinen qylmystyq is qozǵaldy
TALDYQORǴAN.QazAqparat - Taldyqorǵanda tapanshamen oq atqan 21 jastaǵy kúdiktiniń ústinen QR QK 293 baby (Buzaqylyq) boıynsha qylmystyq is qozǵalyp, sot aldy tergeý júrip jatyr, dep habarlaıdy QazAqparat tilshisi.
«Qabyldanǵan sharalar aıasynda Taldyqorǵan qalasynyń 21 jastaǵy turǵyny ustalyp, travmatıkalyq tapansha tárkilendi. Atalǵan fakti boıynsha sot aldy tergeý amaldary júrgizilýde. Kúdiktige qatysty bultartpaý sharalary qarastyrylý ústinde. Óz kezegimizde atalǵan faktide zardap shegýshi taraptyń joq ekenin habarlaımyz», - Almaty oblystyq ІІD baspasóz qyzmetiniń ókili Serik Úpıev.
Esterińizge sala keteıik, oqıǵa tamyzdyń 10-nan 11-ne qaraǵan túni bolǵan. Taldyqorǵandaǵy úshinshi yqsham aýdanda ornalasqan «Statýs» oıyn-saýyq kesheniniń mańynda belgisiz bireý birneshe márte oq atyp, oqıǵany kýágerlerdiń biri beınejazbaǵa túsirip alǵan. Artynsha beınejazba áleýmettik jeli arqyly jarııalandy.
