Taldyqorǵanda tapanshamen qarýlanǵan er adam ustaldy

TALDYQORǴAN. QazAqparat – Taldyqorǵanda arnaıy operatsııa barysynda tapanshamen qarýlanǵan er adam ustaldy. Bul týraly Rolisia.kz málim etti, dep habarlaıdy QazAqparat.

«26 qyrkúıek kúni Uıymdasqan qylmysqa qarsy kúres basqarmasynyń jedel ýákilderi QR Ulttyq qaýipsizdik komıtetiniń departamentiniń qyzmetkerlerimen jáne Ulttyq ulannyń «Búrkit« arnaıy bólimshesiniń jaýyngerlerimen birlesip Taldyqorǵanda arnaıy operatsııa ótkizdi.

Qala ortalyǵyndaǵy qonaqúılerdiń birinde tártip saqshylary oq-dáriniń tolyq jıyntyǵy bar tapanshamen qarýlanǵan 38 jastaǵy er adamdy ustady», - delingen málimette.