Taldyqorǵanda tapa-tal túste urylar avtolombardty tonap ketti
TALDYQORǴAN. QazAqparat - Búgin tańerteń Taldyqorǵan qalasynda úsh adam avtolombardty tonap, ishindegi qyzmetkerdi uryp, baılap ketken, dep habarlaıdy QazAqparat tilshisi.
Jábirlenýshiniń aıtýynsha, urylar 7 mln teńgeni qoldy qylǵan. Qazir lombard qyzmetkerin uryp, baılap ketkender izdestirilip jatyr. Oqıǵany Almaty oblystyq Polıtsııa departamentiniń baspasóz qyzmeti rastady.
«Atalǵan faktini rastaımyz. Qazir kúdiktilerdi anyqtaý jáne izdestirý jumystary júrgizilýde. Bul is boıynsha qylmystyq is qozǵaldy»,-dedi atalǵan vedomstvonyń ókili Kóbeıhan Nurahmet.
Qazir Taldyqorǵan qalasy polıtsııasynyń jedel-izdestirý toby oblystyń tártip saqshylarymen birlesip, kúdiktilerdi ustaýǵa baǵyttalǵan jumystardy júrgizip jatyr.
Aıta keteıik, tonalǵan avtolombard Shevchenko kóshesiniń boıynda ornalasqan.
