Taldyqorǵanda tapa-tal túste avtolombard tonaǵan kúdiktiler ustaldy
TALDYQORǴAN.QazAqparat - Taldyqorǵanda tapa-tal túste avtolombardty tonaǵan úsh kúdikti ustalyp, qamaýǵa alyndy, dep habarlaıdy QazAqparat tilshisi.
«Tártip saqshylary Almaty qalasynyń úsh turǵynyn ustady. Kúdiktiler 1991-98 jylǵy jas jigitter. Olar Taldyqorǵanǵa jetkizilip, qamaýǵa alyndy. Qazir tergeý amaldary júrgizilýde. Qaraqshylyq faktisi boıynsha qylmystyq is Taldyqorǵan qalalyq polıtsııasynyń óndirisinde», - dep málimdedi Almaty oblysy PD baspasóz qyzmetinen.
Polıtsııa ustalǵandardyń biriniń turǵylyqty jeri boıynsha urlanǵan aqshanyń bir bóligin tárkilep, aıǵaq zat retinde tirkegen.
Esterińizge sala keteıik, , 24 shilde kúni tańerteń Taldyqorǵan qalasynda úsh adam avtolombardty tonap, ishindegi qyzmetkerdi uryp, baılap ketkenin habarlaǵan bolatynbyz. Tonalǵan avtolombard Shevchenko kóshesiniń boıynda ornalasqan.
Jábirlenýshiniń aıtýynsha, urylar 7 mln teńgeni qoldy qylǵan.
