Taldyqorǵanda «Taqııaly perishtemen» úndes fılmniń tusaýkeseri ótedi
TALDYQORǴAN.QazAqparat - Búgin Taldyqorǵanda «O, Láılá» dep atalatyn fılmniń tusaýkeseri ótedi. Jergilikti telearna ujymy men Bıken Rımova atyndaǵy qazaq drama teatrynyń ártisteri ázirlegen tyń týyndyny Almaty oblysynyń ákimi Amandyq Batalov ta tamashalaıdy dep kútilýde. Fılm Іlııas Jansúgirov atyndaǵy mádenıet saraıynda halyqqa jol tartady, dep habarlaıdy QazAqparat tilshisi.
Eki saǵatqa sozylatyn týyndy belgili bir shyǵarma jelisi boıynsha túsirilmegen. Barlyq keıipkerler oıdan quralǵan. Shyǵarmashylyq toptyń basty maqsaty - kórkeıip, ósip-órkendep kele jatqan Taldyqorǵan qalasynyń kórikti jerlerimen, ári aımaq aınasyna aınalǵan telearnanyń tynys-tirshiligimen tanystyrý. Kınokartına kezinde kórermen kózaıymy bolǵan «Taqııaly perishte» fılmimen úndes deýge de bolady. Onda astarly oı, tushymdy pikirler kóp. Qoıýshy rejısser Erlan Oshaqbaevtyń aıtýynsha, týyndyǵa bıýdjet qarjysy bólinbegen.
Túsirilim bir aı shamasyna sozylǵan.
