Taldyqorǵanda taǵy eki adam menıngıt dertimen aýrýhanaǵa tústi
TALDYQORǴAN.QazAqparat - Taldyqorǵanda taǵy eki adam menıngıt dertimen aýrýhanaǵa tústi. Naýqastyń biri kolledj stýdenti, dep habarlaıdy QazAqparat tilshisi.
«Eki adam keshe aýrýhanaǵa tústi. Naýqastarǵa klınıkalyq turǵyda qoıylǵan dıagnoz - menıngokokk ınfektsııasy. Laboratorııalyq analızderi tekserilip jatyr. Ekeýiniń jaǵdaıy aýyr. 21 jastaǵy naýqas ınfektsııalyq aýrýhanada, 19 jastaǵy jigit oblystyq aýrýhanada jatyr», - dep málim etti Taldyqorǵan qalasynyń óńirlik juqpaly aýrýlar aýrýhanasynyń bas dárigeri Baýyrjan Saýranbaev.
Dárigerdiń málimetinshe, eki naýqastyń bir-birine qatysy bolmaǵan. Qazir 19 jáne 21 jastaǵy jigitter jansaqtaý bóliminde em qabyldaýda.
